Dersom du er over 25 år og ikkje har fullført vidaregåande utdanning før, kan vi tilby gratis vidaregåande opplæring.
Vestland fylke gir tilbod om gratis vidaregåande opplæring for vaksne over 25 år. Utdanninga kan føre fram til fagbrev, yrkes- eller studiekompetanse. Du kan også få realkompetansevurdering og studierettleiing hos oss. Alle tenester er gratis for deg med vaksenrett.
På Knarvik tilbyr vi:
Helse- og oppvekstfag er ein yrkesfagleg utdanning.
Utdanninga kan føre fram til fagbrev eller yrkeskompetanse, avhengig av kva fag du vel.
Utdanninga er på deltid og tilrettelagt for vaksne som ønsker å kombinere jobb og utdanning.
På Knarvik vgs tilbyr vi skuleåret 23/24:
- Helse og oppvekstfag Vg1
- Helsearbeidarfag Vg2
- (frå skuleåret 24/25 ønskjer vi og å tilby vg2 Barne og ungdomsarbeidarfag, vi oppdaterer her når dette er avklart)
Meir om helse og oppvekstfag
Studiekompetanse for vaksne på Knarvik vidaregåande skule
Dersom du er over 25 år og ikkje har fullført vidaregåande utdanning før, kan Knarvik vidaregåande skule tilby gratis vidaregåande opplæring.
For å studere ved universitet eller høgskule treng du generell studiekompetanse. Vi tilbyr dei seks faga du treng for å oppnå generell studiekompetanse: norsk, engelsk, matematikk, naturfag, historie og samfunnsfag. Faga dekker krava til å få generell studiekompetanse som vaksen etter 23/5-regelen (Du må dokumentere minst 5 år til saman med fulltids arbeidspraksis og/eller utdanning)
Du kan søke om opplæring i eitt eller fleire fag. Undervising og læremiddel er gratis for alle som får plass.
Har du ståkarakter i faga frå før vil du ikkje få plass.
All undervising er på norsk, og du må ha norsknivå tilsvarande B1 for å få plass på studiet. Er du minoritetsspråkleg må du gjennomføre og bestå ein språktest før du får plass.
Knarvik vidaregåande skule tilbyr dei seks faga over to år. Undervisinga vil vere på måndagar og fredagar med 6-8 skuletimar kvar dag. Du får standpunktkarakter i alle fag.
I norsk hovudmål er det obligatorisk skriftleg eksamen. I matematikk og engelsk er det trekk til skriftleg eksamen, og det er trekk til munnleg/munnleg-praktisk eksamen i alle fag.
Stad: Knarvik vgs, Juvikstølen 9, 5619 Isdalstø
Tid: Kl 08:15-15:25
Tilbod skuleåret 2023-2024: (to dagar pr veke: måndag og fredag)
|
fag |
fagkode |
t pr veke |
eksamen |
|
Norsk |
NOR1267 NOR1268 NOR1269 |
8 (6+10) |
Vår 2024 Hovudmål: obligatorisk skriftleg eksamen Sidemål skriftleg: trekk Munnleg eksamen: trekk |
|
Matematikk 1P 1.halvår og 2P 2. halvår |
MAT1019 MAT1023 |
6 (8+4)
|
Vår 2024 Skriftleg: trekkeksamen Munnleg-praktisk: trekk |
|
Sum |
|
14 |
|
Tilbod skuleåret 2024-2025: (to dagar pr veke: måndag og fredag)
|
fag |
fagkode |
t pr veke |
eksamen |
|
Engelsk |
ENG1007 |
4 |
Vår 2025 Skriftleg eksamen: trekk Munnleg eksamen: trekk |
|
Naturfag |
NAT1007 |
4 |
Vår 2025 Munnleg-praktisk eksamen: trekk |
|
Historie |
HIS1010 |
5 |
Vår 2025 Munnleg eksamen: trekk |
|
Samfunnskunnskap |
SAK1001 |
2 |
Vår 2025 Munnleg eksamen: trekk |
|
Sum |
|
15 |
|
Dersom du har spørsmål om vidaregåande opplæring for vaksne kan du kontakte oss på e-post: post.knv@vlfk.no
Du kan og ta kontakt med rettleiingtenesta som ligg nærast der du bur:
Bergen nord omfattar Alver kommune, Arna bydel, Austrheim kommune, Fedje kommune, Gulen kommune, Kvam kommune, Masfjorden kommune, Modalen kommune, Osterøy kommune, Samnanger kommune og Åsane bydel.
FOR TIMEBESTILLING
Bergen sentrum-vest omfattar Bergen sentrum, Laksevåg, Fyllingsdalen, Olsvikåsen, Sotra og Askøy.
FOR TIMEBESTILLING
Bergen sør omfattar Fana, Ytrebygda, Bjørnefjorden kommune og Austevoll kommune.
FOR TIMEBESTILLING
Søknad og inntak til vaksenopplæring
Informasjon om gratis vidaregåande utdanning